Дар доираи сафар ба Тоҷикистон ва боздид аз мавзеъҳои таърихию фарҳангӣ ва сайёҳӣ, ки то 2 июли соли ҷорӣ идома меёбад, намояндагони Агентии иттилоотии сайёҳӣ ва фаъолони шабакаҳои иҷтимоии Шоҳигарии Арабистони Саудӣ ба шаҳри Турсунзода ташриф оварданд.
Меҳмонон аз ҷониби муовинони раиси шаҳр Бобоҷонзода Фахрия ва Эҳсонзода Мусулмон Қобил пазироӣ гардида, дар ибтидо шинсоӣ бо токзори ХД “Ватан” ҷараён гирифт. Ангурпарвари саршиноси кишвар Ҳоҷӣ Неъмат Усмонов меҳмононро бо фаъолияти хоҷагӣ, навъҳои ангури шаҳдбор ва парвариши он шинос намуд.
Дар идома боздиди меҳмонон аз осоишгоҳ-табобатгоҳи ҶСК “Хизматрасонии сайёҳӣ” сурат гирифта, аз ҷониби масъулин ба меҳмонон вобаста ба навъҳои дармонбахшӣ маълумот дода шуд.
