Дар асоси дастури Роҳбари Дастгоҳи иҷроияи Президенти Ҷумҳурии Тоҷикистон имрӯз нишасти матбуотии раиси шаҳри Турсунзода Акрамзода Парвиз Акрам бо ҳузури хабарнигорони васоити ахбори оммаи ҷумҳуриявӣ ва маҳаллӣ баргузор гашт. Дар ҷараёни нишаст хабарнигорон бо нишондиҳандаҳои рушди иҷтимоиву иқтисодии шаҳр дар соли 2022 ошно гардида, вобаста ба масъалаҳои маорифу тандурустӣ, кишоварзӣ, вазъи таъминоти аҳолӣ бо оби нӯшокӣ, сифати сохтмони хонаҳои баландошёна,, таъминоти эҳтиёҷмандон бо қитъаи замини наздиҳавлигӣ, рафти омодагӣ ба даъвати баҳории наваскарон ва ҷараёни корҳои ободонӣ дар доираи нақшаи чорабиниҳо бахшида ба 35-солагии Истиқлоли давлатии Ҷумҳурии Тоҷикистон суолҳо пешниҳод намуда, посухҳои мушаххас гирифтанд.
