Имрӯз бо мақсади татбиқи дастуру супоришҳои муҳтарам Пешвои миллат ҷиҳати рушди соҳаи маориф бо ташаббуси мақомоти иҷроияи ҳокимияти давлатии шаҳр, дастгирии Ташкилоти ҷамъиятии хайриявии “Тавҳид”ва фаъолони деҳа дар назди МТУА №104, ки дар деҳаи Боғбони Ҷамоати деҳоти Сешанбе воқеъ аст, бунёди бинои нави таҳсилотӣ, иборат аз 8 синфхона оғоз гардид.
Дар гузоштани санги асоси иншооти мазкур муовини раиси шаҳр М. Эҳсонзода, роҳбарияти Ҷамоати деҳоти Сешанбе ва фаъолони деҳаи Боғбон ширкат намуданд.
Тибқи иттилои раиси Ҷамоати деҳоти Сешанбе Раҳимов Абдувоҳид дар доираи тадбирҳои ҷашнӣ ба истиқболи 35-солагии Истиқлолияти давлатии Ҷумҳурии Тоҷикистон дар ҳудуди деҳот бунёди 32 иншооти гуногунтаъинот ба нақша гирифта шуда, айни ҳол дар 6 иншоот корҳои созанда муташаккилона идома доранд.
Бинои нави таълимӣ дар арафаи таҷлили 30-солагии Иҷлосияи XVI Шӯрои Олии Тоҷикистон сохта, мавриди баҳрабардории насли наврас қарор дода мешавад.
