-
Агентии назорати маводи нашъаовари назди Президенти Ҷумҳурии Тоҷикистон дар даврони соҳибистиқлолии мамлакат таъсис ёфта, барои пешгирии паҳншавӣ ва мубориза алайҳи гардиши ғайриқонунии маводи мухаддир ва ҷиноятҳои марбут ба ин вабои аср нақши муҳим дорад.
Имрӯз ба муносибати иди касбии кормандони соҳа дар Шуъбаи байниноҳиявии Агентии назорати маводи нашъаовари назди Президенти Ҷумҳурии Тоҷикистон дар шаҳри Турсунзода бо иштироки раиси шаҳр, роҳбарияти мақомоти ҳифзи ҳуқуқ ва ҳайати шахсии шуъба чорабинии тантанавӣ баргузор гардид.
Зимни табрикот аз ҷониби раиси шаҳр Акрамзода Парвиз Акрам ва роҳбарияти мақомоти ҳизи ҳуқуқ таъкид шуд, ки кормандони Агентии назорати маводи нашъаовари назди Президенти Ҷумҳурии Тоҷикистон тамоми қувваю малакаи касбӣ ва заҳмати беандозаи худро ҷиҳати пешгирии ҷиноятҳои марбут ба маводи мухаддир равона сохта, дар ҳифзи шаҳрвандон аз нашъамандӣ ва тарѓиб намудани тарзи ҳаёти солим мавқеъ ва эътибори хоссаро сазовор гардидаанд.
Шуъбаи байниноҳиявии Агентии назорати маводи нашъаовари назди Президенти Ҷумҳурии Тоҷикистон дар шаҳри Турсунзода низ фаъолияти пурсамар дошта, дар самти муайян намудани сарчашма, роҳҳои интиқол ва пешгирии ҷиноятҳои муташаккили марбут ба гардиши маводи нашъадор ва тарбияи насли ҷавон бар руҳияи тарзи ҳаёти солим чораҳои қатъӣ андешида, сокинони шаҳр эътимод доранд, ки барои решакан намудани ин вабои аср кормандони Агентӣ минбаъд низ тадбирҳои заруриро идома медиҳанд.
Ба муносибати иди касбӣ ва хизмати содиқона як қатор кормандони шуъба ба гирифтани рутбаҳои навбатӣ мушарраф дониста шуданд.
