Имрӯз дар доираи сафари корӣ ба Ҷумҳурии Тоҷикистон муовини Сарвазир-Вазири кишоварзии Ҷумҳурии Бошқордистони Федератсияи Россия Фазрахманов Ильшат Ильдусович ба шаҳри Турсунзода ташриф овард. Раиси шаҳр Акрамзода Парвиз Акрам меҳмонро пазироӣ ва бо таърихи диёр, дастовардҳо ва рушди иҷтимоиву иқтисодии шаҳр шинос намуд.Дар ибтидо вобаста ба фаъолият, таҷҳизоту технилогияи истеҳсоли доруворӣ ва имконияту иқтидорҳои истеҳсолии ҶДММ “ВЕЖА-ФАРМА” ба меҳмон муаррифӣ гардид.
Дар идома доир ба усули парвариши маҳсулоти кишоварзӣ, фаъолияти гармхонаҳо ва парвариши ангур ба ҳайати корӣ маълумот дода шуд.
Зимни суҳбат ҷонибҳо вобаста ба ҳамкориҳои минбаъда дар самтҳои мухталифи хоҷагии халқ, хусусан содирати маҳсулоти кишоварзӣ мубодилаи афкор намуданд.
