Имрӯз дар Боғи фарҳангу фароғати шаҳри Турсунзода ба истиқболи 111 солагии зодрӯзи шоири халқии Тоҷикистон, Қаҳрамони Тоҷикистон Мирзо Турсунзода ҳамоиши адабӣ баргузор шуд.
Дар ҷараёни ҳамоиш адибони шаҳр, навқаламон, дӯстдорони шеъру адаб ва мухлисони ашъори шоир иштирок ва суханронӣ намуданд.
Аз ҷониби иштирокчиёни ҳамоиш доир ба саҳми Мирзо Турсунзода дар адабиёти муосири ҷаҳонӣ, тарбияи адибон, мактаби адабии устод ва фаъолияти ҷамъиятии шоири сулҳсаро маърӯзаҳо карда шуд.