Дар доираи татбиқи қарори дахлдори раиси шаҳри Турсунзода доир ба кабудизоркунӣ имрӯзҳо дар маркази шаҳр хуррамгардонии муҳити зист бо маром идома дорад.
Имрӯз дар майдони Парчами давлатӣ аз ҷониби кормандони муассисаи манзилию коммуналии шаҳр беш аз 2 ҳазор бех гулҳои садбарг шинонида шуд.
Кормандони шуъбаи ҳифзи муҳити зист вобаста ба риояи талаботи агротехникӣ доир ба шинонидану нигоҳубин ва парвариши гулҳо байни кормандони муассисаи мазкур корҳои фаҳмондадиҳӣ гузарониданд.
Хуррамгардонии муҳити зист дар ҳудуди ҷамоатҳои деҳот низ муташаккилона роҳандозӣ гардидааст.Тибқи маълумоти сардори шуъбаи ҳифзи муҳити зист Раҳмонов Лоиқ бо мақсади сабзу хуррам гардонидании шаҳр дар мавсими нави кабудизоркунӣ беш аз 50 ҳазор бех гули лола, зиёда аз 5 ҳазор бех гулҳои гуногунранги садбарг ва беш аз 3800 ниҳоли дарахтони ҳамешасабзи ороишӣ шинонида шуд.
Поделились: 3
