Сокинони деҳаи Пайканди Ҷамоати деҳоти 10-солагии Истиқлолияти шаҳри Турсунзода Рӯзи Парчами давлатии Ҷумҳурии Тоҷикистонро бо ифтитоҳи майдони варзишӣ барои футбол ва волейбол истиқбол гирифтанд.
Бунёди иншооти мазкур ҷиҳати иҷрои дастурҳои созандаи муҳтарам Пешвои миллат бо ташаббуси мақомоти иҷроияи ҳокимияти давлатии шаҳр, иқдоми вакили Иҷлосияи XVI Шӯрои Олии Тоҷикистон Абдурасул Раҷабов ва дастгирии сокинони деҳа сурат гирифта, ба дӯстдорони варзиш тақдим гардид.
Раиси шаҳри Турсунзода Акрамзода Парвиз Акрам дар тантанаи ифтитоҳи майдони варзишӣ ширкат варзида, барои тарғиби тарзи ҳаёти солим ва ин амали созанда ба сокинони деҳа изҳори сипос намуданд.
Тибқи маълумоти раиси Ҷамоати деҳоти 10-солагии Истиқлолият Ҷаҳонгир Акрамзода дар доираи тадбирҳои ҷашнӣ ҷиҳати сазовор пешвоз гирифтани 30-солагии Истиқлолияти давлатии Ҷумиҳурии Тоҷикистон дастаи волейболбозони деҳаи Пайканд дар сабқати ҷумҳуриявӣ оид ба волейбол миёни дастаҳои шаҳру ноҳияҳои тобеи марказ ҷои 2 –ро ишғол намуд.
Паҳлавонони гуштингири деҳа низ дар мусобиқоти мухталиф сазовори зинаҳои ифтихорӣ гардидаанд.
