Иқлими шаҳри Турсунзода барои кишту кори пахта, сабзавот ва боғу токпарварӣ мусоид буда, деҳқонони шаҳр мекӯшанд дар ҳама самтҳо ба дастовардҳои назаррас ноил гарданд. Аз ин ҷост, ки кишоварзони мо дар Тоҷикистон ва берун аз кишвар шуҳратманд гардидаанд.
Соли равон дар натиҷаи заҳмати марди деҳқон ва риояи талаботи агротехникӣ дар майдони пахтазор ҳосил фаровон аст. Мардуми меҳнатдӯсти шаҳр ба саҳро баромада, ҷиҳати ғановати хирмани Ватан ҷамъоварии” тиллои сафед”-ро вусъат бахшидаанд.
