Кишоварзӣ

БО МАЛАХ БОЯД МУБОРИЗА БУРД

print
Имрӯз дар шаҳри Турсунзода бо иштироки вазири кишоварзии мамлакат Зиёзода Сулаймон Ризоӣ, раиси шаҳри Турсунзода Акрамзода Парвиз Акрам ва намояндаи Ҳукумати Ҷумҳурии Тоҷикистон дар шаҳри Турсунзода, Президенти Академияи илмҳои кишоварзии Тоҷикистон Асозода Нуралӣ, мувинон ва намояндагони самти кишоварзии шаҳру ноҳияҳои тобеи ҷумҳурӣ семинар – машварати минтақавӣ бар зидди малах ва ҳашаротҳои заррасон баргузор гардид.
Вазири кишоварзӣ иброз дошт, ки рушди соҳаи кишоварзӣ аз самтҳои афзалиятноки Ҳукумати Ҷумҳурии Тоҷикистон буда, яке аз омилҳои баланд бардоштани ҳосилнокии зироати кишоварзӣ – пешгирии саривақтӣ аз ҳар гуна касаливу ҳашароти зараррасон, хусусан малах мебошад. Дар ин самт вусъати корҳо аз ҷониби тамоми шаҳру навоҳии тобеи марказ бояд дастаҷ
амъона амалӣ гардад.
Раиси шаҳри Турсунзода Акрамзода Парвиз Акрам иброз дошт, ки ҳамасола бо мақсади мубориза алайҳи малах дар шаҳр тадбирҳои амалӣ андешида шуда, ҷиҳати сари вақт омода шудани масъулин ба мавсими мубориза бар зидди малах соли ҷорӣ низ заҳрхимикатҳо, техникаҳои зарурӣ, аз ҷумла тракторҳо, воситаи нақлиёт, дорупошакҳои аэрозолӣ ва муҳаррикию дастӣ омода гардидааст.
Дар ин замина иштирокчиёни машварат бо намуди заҳрхимикатҳо ва техникаи омодагардидаи шаҳр шинос шуда, миёни иштирокчиёни машварат мубодилаи афкор ва табодули таҷриба сурат гирифт.

 

Комментировать
Поделиться

Шарҳи худро гузоред

Еmail-и шумо нашр нахоҳад шуд. бахшҳои ҳатми бо * ишора шудаанд *