Тандурустӣ

СИТОДИ ШАҲРӢ ДОИР БА ПЕШГИРИИ БЕМОРИИ КОРОНАВИРУС: РИОЯИ ҚОИДАҲОИ БЕҲДОШТӢ ҲАТМИСТ!

print
Имрӯз таҳти раёсати Акрамзода Парвиз Акрам ҷаласаи навбатии ситоди шаҳрӣ доир ба пешгирии бемории коронавирус баргузор шуд.
Раиси шаҳр изҳор дошт, ки шумораи гирифторони беморӣ дар кишвар рӯз то рӯз меафзояд ва шаҳри мо низ истисно нест. Аз ин лиҳоз, хуруҷи навбатии беморӣ аз ҳар яки мо тақозо менамояд, ки тадбирҳои пешгирии онро пурзӯр намуда, миёни сокинони шаҳр вобаста ба риояи тавсияи духутурон корҳои фаҳмондадиҳӣ вусъат дода шавад.
Ба масъулини соҳаи тандурустӣ супориш дода шуд, ки ба масъалаи омода намудани шуъбаи бемориҳои сироятӣ, таъмини доруворӣ, ваксинагузаронӣ, захираи доруворӣ, либоси махсуси тиббӣ, хизматрасонии баланди тиббӣ, бо маводи безараргардонӣ таъмин намудани муассисаҳои тандурустиву таълимӣ, боғҳои фарҳангиву масоҷид ва риояи ҳатмии қоидаҳои беҳдоштӣ мароқи ҷиддӣ зоҳир карда шавад.
Таъкид гардид, ки аз ҷониби гурӯҳҳои таблиғотӣ дар самти риояи беҳдошти шахсию ҷамъиятӣ, истифодаи ниқобҳои муҳофизатӣ, риояи қатъии фосилаи иҷтимоӣ дар нақлиёт, боғҳои фарҳангу фароғат ва дигар ҷойҳои ба ҷамъиятӣ корҳои фаҳмондадиҳӣ тақвият дода шаванд.

Шарҳи худро гузоред

Еmail-и шумо нашр нахоҳад шуд. бахшҳои ҳатми бо * ишора шудаанд *