Раиси шаҳри Турсунзода Акрамзода Парвиз Акрам имрӯз аз дидбонгоҳи сарҳадии қисми низомии мустақар дар шаҳри Турсунзода дидан намуда, бо афсарон ва сарбозон вохӯрӣ доир намуд.
Зимни суҳбат бо ҳайати шахсӣ иброз гардид, ки қӯшунҳои сарҳадии мамлакат дар таъмини амнияту оромии давлату ҷомеа, ҳифз ва пойдории аркони давлатдорӣ, ҳимояи истиқлолияти давлатӣ ва таъмини зиндагии осоиштаи мардуми шарифи Тоҷикистон саҳми арзандаи худро гузоштаи истодааст. Маҳз дар натиҷаи дастгириҳои муҳтарам Пешвои миллат Қӯшунҳои сарҳадӣ имрӯз ҳамчун такягоҳи боэътимоди давлат ташаккул ёфта, дар сафи пеши ҳимояи суботи давлат ва ҷомеа қарор доранд.
Ҳамчунин таъкид гардид, ки мақомоти иҷроияи ҳокимияи давлатии шаҳр мунтазам аз қисмҳои низомӣ дидан намуда, ҷиҳати тарбияи насли наврас дар рӯҳиияи ватанпарварӣ бо қисмҳои низомӣ ҳамкории густурдаро роҳандозӣ намудааст.
Комментировать
Поделиться
