Дар шаҳри Турсунзода бо мақсади сазовор пешвоз гирифтани ҷашни 30-солагии Истиқлоли давлатии Ҷумҳурии Тоҷикистон корҳои созанда ва хуррамгардонии шаҳр бо маром идома доранд.Имрӯз раиси шаҳри Турсунзода Акрамзода П.А. аз гармхонаҳои гулпарварӣ ва ҳолати сабзиши онҳо дидан намуда, ҷиҳати тибқи талаботи агротехникӣ парвариши гулҳо, инчунин сабзу хуррам гардонидани шаҳр ба масъулин супориш додд.
Қобили қайд аст, ки айни ҳол дар гармхонаҳои гулпарварии Муассисаи манзилию коммуналӣ 300 ҳазор бех гулҳои мавсимӣ аз қабили тагес, виола, петуния, салвия ва ғайраҳо парвариш ёфта истодаанд. Қаламчаи гули садбарг беш аз 140 ҳазор бехро ташкил дода, зиёда аз 100 ҳазор гули лола дар парвариш аст.
Дар баробари ин, ҷиҳати хуррамгардонӣ, тозагии муҳити зист ва баланд бардоштани маърифати экологии сокинон гармхонаҳои хурди гулпарварӣ дар назди корхонаву ташкилот ва муассисаву хоҷагиҳои шаҳр бунёд гардида, нигоҳубин ва сабзиши гулҳо таҳти назорати доимии мутахассисони шуъбаи ҳифзи муҳити зисти шаҳр қарор дорад.
По
