Дастгирии маъюбону ниёзмандон яке аз самтҳои иҷтимоии сиёсати Ҳукумати мамлакат ба ҳисоб рафта, аз ҷониби муҳтарам Пешвои миллат ҷиҳати дастгирии моддиву маънавии ниёзмандон таваҷҷуҳи хоса зоҳир карда мешавад. Мақомоти иҷроияи ҳокимияти давлатии шаҳри Турсунзода дар партави ҳидоятҳои Сарвари давлат доир ба дастгирии маъюбону ниёзмандон ва шахсони бепарстор дар ҳамкорӣ бо соҳибкорони саховатманд ва эҳсонкорон чораҳои заруриро роҳандозӣ менамояд.Имрӯз ба муносибати Рӯзи байналмилалии маъюбон бо ташаббусу мусоидати мақомоти иҷроияи ҳокимияти давлатии шаҳри Турсунзода ва эҳсонкорон як қатор ниёзмандону маъюбон дастгирӣ ёфта, ба онҳо аз ҷумла маводи хӯрокворӣ, аробачаи маъюбӣ ва таҷҳизоти маишӣ кумаки яквақтаина расонида шуд.
