Тибқи нақшаи кории мақомоти иҷроияи ҳокимияти давлатии шаҳри Турсунзода даври навбатии қабули сайёри шаҳрвандон аз ҷониби раиси шаҳр Акрамзода Парвиз Акрам оғоз гардида, қабули сайёр дар ҷамоати деҳоти Қатратоғ баргузор шудСокинони ҷамоати деҳоти Қаратоғ ҷиҳати мусоидат ба ҳалли масъалаҳои дастгирии сокинон вобаста ба ҷудо намудани қитъаи замин, ҷиҳати бунёди бунгоҳи тиббӣ, майдони варзишӣ, таъмини аҳолӣ бо оби нӯшокӣ ва ҷудо намудани қитъаи замини наздиҳавлигӣ муроҷиат намуданд.
Акрамзода Парвиз Акрам пас аз баррасии муроҷиати шаҳрвандон ба масъулини мақомоти иҷроияи ҳокимияти давлатии шаҳр ва кормандони дастгоҳи Ҷамоати деҳоти Қаратоғ ҷиҳати дар доираи талаботи Қонуни Ҷумҳурии Тоҷикистон «Дар бораи муроҷиатҳои шахсони воқеӣ ва ҳуқуқӣ» расидан ба арзу дархости шаҳрвандон таъкид намуд.
Боиси қайд аст, ки дар қабули и сайёри шаҳрвандон, ки қаблан моҳи сентябри соли ҷорӣ дар ҷамоати деҳоти Қаратоғ баргузор шуд 15 нафар шаҳрвандон муроҷиат намуда, дар ин давра муроҷиати 14 нафар пурра қонеъ гардид. Бинобар сабаби баҳсӣ будани муроҷиати 1 нафар шаҳрванд масъалаи мазкур ба суди шаҳр ирсол гардида, мавриди баррасӣ қарор дорад.
