Аҳолӣ

ДАР ДЕҲАИ НУРОБОД МАЙДОНЧАИ ВАРЗИШӢ БУНЁД МЕГАРДАД.

print
Дар деҳаи Нурободи ҷамоати деҳоти ба номи Ҷӯра Раҳмонови шаҳр Турсунзода вохӯрии раиси шаҳр Акрамзода Парвиз Акрам бо фаъолони деҳа баргузор шуда, масъалаи бунёди майдончаи варзишӣ дар деҳаи мазкур мавриди баррасӣ қарор гирифт.
Раиси кумитаи маҳалла иброз дошт, ки сокинони деҳа омодаанд, ҷиҳати татбиқи пайкори созандаи муҳтарам Пешвои миллат доир ба бунёди майдончаи варзишӣ дар ҳар як деҳа тавассути ҳашари дастаҷамъона ва дастгирии фаъолон дар давоми як сол дар ин мавзеъ майдончаи муосири варзиширо бунёд намуда, ҷиҳати тарғиби тарзи ҳаёти солим саҳми худро гузоранд.
Бо мақсади вусъати корҳо дар ин самт масъулини Кумитаи замин ва шуъбаи меъмориву шаҳрсозӣ аз ҷониби раиси шаҳр муаззаф гардиданд, ки ҷиҳати ҳуҷҷатнигорӣ ва омода сохтани лавҳаи сохтмони иншооти мазкур мусоидат карда шавад.

Шарҳи худро гузоред

Еmail-и шумо нашр нахоҳад шуд. бахшҳои ҳатми бо * ишора шудаанд *