30 июли соли 2020 ш. Турсунзода
Имрӯз муовини вазири тандурустӣ ва ҳифзи иҷтимоии аҳолии Ҷумҳурии Тоҷикистон Ализода Самариддин бо фаъолияти муассисаҳои тандурустӣ, вазъи хизматрасонии тиббӣ ба аҳолӣ ва шароити кории кормандондони соҳаи тиби шаҳри Турсунзода шинос шуда, дар кори ситоди доимоамалкунанда оид ба пешгирӣ аз паҳншавии бемории коронавирус (СОVID-19) дар шаҳри Турсунзода ширкат варзид.
Акрамзода Парвиз Акрам иҷрокунандаи вазифаи раиси шаҳри Турсунзода вобаста ба фаъолияти ситоди шаҳрӣ, сатҳи хизматрасонии тиббӣ ва ҷараёни корҳои анҷомшуда ҷиҳати пешгирии паҳншавии бемории сироятии коранавирус дар шаҳр ба муовини вазир маълумоти муфассал манзур намуд.
Ҳамзамон, муовини вазири тандурустӣ ва ҳифзи иҷтимоии аҳолии кишвар Самариддин Ализода натиҷаи сафари кориро ба шаҳри Турсунзода мавриди таҳлил қарор дода, ҷиҳати боз ҳам беҳтар намудани сатҳ ва сифати хизматрасонии тиббӣ ба масъулини дастуру супоришҳои мушаххас дод.
