Дар конфронстолори мақомоти иҷроияи ҳокимияти давлатии шаҳри Турсунзода ба муносибати Рӯзи радио ва корманндони соҳаи алоқа маҷлиси ботантана баргузор гардид. Раиси шаҳр Абдуқодир Вализода мутахассисони радио ва ва соҳаи алоқаи шаҳрро табрик намуда, иброз дошт ки дар шаҳр 2 редаксияи радиошунавонӣ- радиои маҳаллии “Садои Осиё” ва радои Корхонаи воҳиди давлатии “Ширкати Алюминийи Тоҷик” фаъолият намуда, ҳамарӯза аҳолиро бо навгониҳо хабардор намуда, бо таҳия ва пахши барномаҳои ватанпарварона дар тарбияи ҳуқуқиву маънавии сокинон нақши муҳим доранд. Инчунин ба муносибати иди касбӣ кормандони Маркази алоқаи Почта низ табрик намуда, А.лизода қайд намуд, кормандони соҳа бо расонидани саривақтии рӯзнмаву маҷалла ва муросилот ба аҳолӣ дар самти татбиқи сиёсати иттилооти давлатӣ саҳми муносиби худро мегузоранд. Дар ин замина бакормандони Ҷамъияти саҳҳомии кушодаи “Тоҷиктелеком” таваҷҷуҳ зоҳир гардида, раиси шаҳр иброз дошт, ки кормандони ҷамъият ҷиҳати таъмини алоқаи босифати телефонӣ ва интернетӣ мунтазам дар хизмати аҳолӣ қарор доранд.
Баъдан собиқадорон ва кормандони пешқадам бо сипоснома ва туҳфапулии мақомоти иҷроияи ҳокимияти давлатии шаҳр сарфароз гардонида шуданд.
