Ба муносибати Рӯзи байналмилалии ҳимояи ҳуқуқи истеъмолкунандагон, ки ҳамасола дар Ҷумҳурии Тоҷикистон 15 – март доир мегардад, бо ибтикори мақомоти иҷроияи ҳокимияти давлатии шаҳри Турсунзода силсилаи чорабиниҳои таблиғотӣ баргузор гардид.
Дар доираи нақшаи чорабиниҳои мақомоти иҷроияи ҳокимияти давлатии шаҳр бо мақсади баланд бардоштани маърифатнокии истеъмолкунандагон бо ҷалби мутахассисони МТТ “Тоҷикстандарт” Маркази назорати давлатии санитарию-эпидемиологӣ бо иштироки донишҷӯёни коллеҷҳои омӯзгорӣ ва тиббӣ Қонуни Ҷумҳурии Тоҷикистон “Дар бораи ҳимояи ҳуқуқи истеъмолкунандагон” аз 9 декабри соли 2004, № 72 мавриди шарҳ қарор гирифта, доир ба ҳуқуқу манфиатҳои истеъмолкунандагон корҳои фаҳмодадиҳӣ ҷарарён гирифт.
Ҳамчунин аз ҷониби масъулин дар бозору марказҳои шаҳр варақаҳои таблиғотиву тавсиявӣ тақсим карда шуд.
