Дар мақомоти иҷроияи ҳокимияти давлатии шаҳри Турсунзода ба муносибати Рӯзи радио ва кормандони соҳаҳои алоқа, ки ҳамасолаи 7 май баргузор мешавад, бо иштироки раиси шаҳр Акрамзода Парвиз Акрам маҷлиси ботантана баргузор шуд, ки дар рафти он кормандони шабакаҳои радиои ҷумҳуриявию маҳаллӣ -“Тоҷикистон”, “Садои Душанбе” “Садои Осиё” радиои ҶСК “Ширкати Алюминийи Тоҷик” ва намояндагони шабакаҳои телевизионии “Тоҷикистон”, “Сафина”, “Ҷаҳоннамо” ва “Регар” ширкат вазиданд.
Раиси шаҳри Турсунзода зимни суҳбат иброз дошт, ки рушди босуръати ҷаҳони муосирро бе пешрафти соҳаи радио ва алоқа тасаввур кардан ғайри имкон аст. Зеро, мавриди истифода қарор додани технологияҳои муосири техникӣ имрӯз имконият фароҳам овардааст, ки расонаӣ намудани хабарҳои муҳими рӯз, амалӣ намудани амалиётҳои иқтисодӣ, дастрас намудани маълумотҳои илмӣ, фарҳангӣ, сиёсӣ аз тамоми нуқоти ҷаҳон дар фосилаи кӯтоҳтарини вақт имконпазир гардидааст.
Боиси зикр аст, ки дар шаҳр ду шабакаи радиошунавонӣ Маркази алоқаи Почта ва Ҷамъияти саҳҳомии кушодаи “Тоҷиктелеком” фаъолият намуда, ҷиҳати расонидани хабарҳои фаврию муҳими рӯз, таъмини муросилоту нашрияҳо то муштариён ва таъмини босифати хизмати телефонию интернетӣ мунтазам дар хизмати аҳолӣ қарор доранд
