Ҷавонмардони шаҳри Турсунзода дари хайру эҳсонро боз намуда, ҷиҳати дастгирии табибони беморхонаҳои шаҳр, ки бо бемории маргбори коронавирус даст ба гиребон ҳастанд, амалҳои хайру эҳсон менамоянд. Ҳамзамон сироятшудагон, хонаводаи онҳо ва оилаҳои ниёзманд ба кӯмаку мадад фаро гирифта мешаванд. Эҳсони навбатӣ аз номи яке аз оилаҳои фаъоли шаҳр – оилаи Атохоҷаевҳо ба беморхонаҳои шаҳр расонида шуд, ки аз 2 мошинаи ҷомашӯӣ, 4 дарзмол 2000 ниқоб 2000 дастпушаки тиббӣ, 2000 антисептик, 100 айнак, 50 бастаи либоси махсуси тиббӣ, 200 литр равғани растанӣ ва теъдоди дигар маводи тиббӣ иборат аст. Маводҳои мазкур ба беморхонаҳои шаҳр тақдим гардида, аъзои оилаи Атохочаевхо, Иззатулло Атохоҷаев иброз дошт, ки рӯзҳои наздик эҳсони навбатии хонадони Атохоҷаевҳо аз ҷумлаи маводи аввалияи ғизоӣ ба кормандони соҳаи тандурустӣ ва оилаҳои ниёзмандон расонида мешавад.
