Дар асоси дастури раиси шаҳри Турсунзода муҳтарам Акрамзода Парвиз Акрам муовинони раиси шаҳр таҳти роҳбарии муовини якуми раиси шаҳр Остоназода С.Ҳ., муовинон Азимзода А.Б. ва Бобоҷонзода Ф., раиси КИ ҲХДТ дар шаҳри Турсунзода Турсунзода Н.Ҳ. ва раиси Ҷамоати деҳоти Навобод Низомҷон Алиев ба аёдати иштирокчии Иҷлосияи 16-уми Шӯрои Олии Ҷумҳурии Тоҷикистон, сокини деҳаи Чиртаки Ҷамоати деҳоти Навобод Бобоқул Убайдов рафтанд. Аз номи мақомоти иҷроияи маҳаллии ҳокимияти давлатӣ ба иштирокчии иҷлосияи таърихиву тақдирсоз кӯмаки яквақтаинаи пулӣ ва маводҳои ғизоӣ расонида шуд. Бобоқул Убайдов аз ҷумлаи нафаронест, ки ҳамчун вакили мардумӣ соли 1992 дар Иҷлосияи 16-уми Шӯрои Олии Ҷумҳурии Тоҷикистон иштирок намудааст ва аз шумори вакилони аз шаҳри Турсунзода дар иҷлосияи мазкур иштирок намуда, танҳо ӯ дар қайди ҳаёт аст.
