Дар доираи баргузории сафари омӯзишӣ, ки бо мақсади шиносоӣ бо фаъолияти муассисаҳои таълимии касбӣ, табодули таҷриба ва ба роҳ мондани ҳамкорӣ байни муассисаҳо, инчунин сафарбаркунии ҷавонон барои омӯзиши касбу ҳунар роҳандозӣ гардидааст, омӯзгорон ва устоҳои таълимӣ – истеҳсолии муассисаҳои касбии техникии Вилояти Мухтори Кӯҳистони Бадахшон бо роҳбаладии муовини Вазорати меҳнат, муҳоҷират ва шуғли аҳолии Ҷумҳурии Тоҷикистон Ализода Алишер Ҳиматуло ба шаҳри Турсунзода ташриф оварда, аз МТД Литсейи касбӣ-металлургии шаҳри Турсунзода ва токзори ХД “Ватан” дидан намуданд.
Гурӯҳи кориро муовини раиси шаҳри Турсунзода Бобоҷонзода Фахрия бо шароити таҳсил дар МТД Литсейи касбӣ-металлургии шаҳри Турсунзода шинос намуд.
Баъдан гурӯҳи корӣ ба токзори ХД “Ватан” ташриф овардаанд.
Раиси хоҷагӣ Ҳоҷӣ Неъмат Усмонов ба меҳмонон доир ба навъҳои гуногуни ангур, тарзи парвариш ва нигоҳубини он маълумот дод.
