Деҳаи Муминобод дар ҳудуди Ҷамоати деҳоти Қаратоғ ва беш аз 20 км аз маркази шаҳр ҷойгир буда, аз 37 хоҷагӣ иборат буда, сокинони деҳа беш аз 400 нафарро ташкил медиҳанд. Шуғли сокинон асосан чорводорӣ, боғдорӣ ва асалпарварӣ мебошад.Насли наврас дар МТУА №63 ба таҳсил фаро гирифта шудаанд.
Имрӯз ҷиҳати баррасии муроҷиати шаҳрвандон қабули раиси шаҳр Акрамзода Парвиз Акрам дар ин деҳаи доманакӯҳ доир гардид.
Дар ибтидо раиси шаҳр бо шароити таҳсили хонандагон ва рафти бунёди синфхонаҳои иловагӣ шинос шуда, ҷиҳати татбиқи барномаи соҳаи маориф ва таълиму тарбияи насли наврас бо омӯзгорон ва хатмкунандагони муассиса суҳбат оростанд.
Дар идома суҳбати озод бо сокинони деҳа доир гардид. Сокинони маҳал вобаста ба корҳои ободонӣ, аз ҷумла кашидани хати об ва таъмири роҳҳо, ки тариқи ҳашар амалӣ гардидааст, маълумот манзур намуда, аз раиси шаҳр доир ба мусоидат ҷиҳати ба охир расонидани бунёди синфхонаҳои иловагӣ, муайян намудани мавзеъ ҷиҳати бунёди бунгоҳи тиббӣ ва дигар масоили марбут ба ҳаёти деҳот муроҷиат намуданд.
Саида Умаркулова и ещё 2
Поделились: 5
