Хурӯҷи бемориҳои сироятӣ дар солҳои охир ҷомеаи ҷаҳониро ба ташвиш оварда, сироятёбӣ бо барангезандагони ҳар гуна бемориҳо ба яке аз мушкилоти асосии соҳаи тандурустӣ табдил ёфтааст. Аз ин лиҳоз, ҷиҳати муайянсозӣ ва саривақт муолиҷа намудани бемориҳои сироятӣ таъсиси озмоишгоҳҳои вирусшиносӣ аз масъалаҳои муҳим ба ҳисоб меравад.
Акнун барои сокинони корафтодаи шаҳри Турсунзода ҷиҳати гузаронидани ташхисҳои виросологӣ зарурате нест, ки ба ташхисгоҳҳои пойтахти мамлакат- шаҳри Душанбе муроҷиат намоянд. 
Зеро бо ташаббуси мақомоти иҷроияи шаҳр ва дастгирии Вазорати тандурустӣ ва ҳифзи иҷтимоии аҳолии Ҷумҳурии Тоҷикистон дар заминаи Маркази назорати давлатии санитарию эпидемиологии шаҳри Турсунзода ташхисгоҳи вирусологӣ таъсис дода шуд, ки аз аввали соли ҷорӣ инҷониб фаъолият менамояд.
Зеро бо ташаббуси мақомоти иҷроияи шаҳр ва дастгирии Вазорати тандурустӣ ва ҳифзи иҷтимоии аҳолии Ҷумҳурии Тоҷикистон дар заминаи Маркази назорати давлатии санитарию эпидемиологии шаҳри Турсунзода ташхисгоҳи вирусологӣ таъсис дода шуд, ки аз аввали соли ҷорӣ инҷониб фаъолият менамояд.Имрӯз раиси шаҳр Акрамзода Парвиз Акрам аз ҷараёни кори ташхисгоҳ дидан намуданд. Директори МНДСЭ Саидзода Мизроб иттилоъ дод, ки ташхисгоҳи мазкур бо таҷҳизоти муосири вирусшиносӣ муҷаҳҳаз буда, дар он мутахассисони ботаҷрибаи соҳа фаъолият менамоянд. Яке аз зарурияти ташхисгоҳ дар он аст, ки сирояти бемории COVID-19 –ро дар организми инсон дар муддати кӯтоҳ ва саҳеҳ муайян менамояд. Дар ташхисгоҳ инчунин гузаронидани ташхис ва тестҳои бемории гепатити В ва С сари вақт ва бо сифати баланд амалӣ мегардад.
Раиси шаҳр вобаста ба иҷрои саривақтии ташхисҳо ва баргузории корҳои фаҳмондадиҳӣ ҷиҳати баланд бардоштани маърифати аҳолӣ дар самти риояи талаботи синтитарию эпидемиологӣ ба мутахассисони МНДСЭ дастурҳои мушаххас доданд.
