-
Дар солҳои Ҷанги Бузурги Ватанӣ ҷиҳати ҳифзи хоки Иттиҳоди Шӯравӣ ва давлатҳои Аврупо миллати тоҷик дар майдонҳои ҷанг далериву шуҷоат ва корнамоиҳои бемисл нишон додаанд, ки дар саҳифаҳои таърих абадан сабт гардидааст. Дар баробари дигар диловарони Ватан аз деҳаи Қаратоғ 572 нафар ба майдони ҷабҳа бар зидди фашизм баромада, 234 нафари онҳо барои дифои Ватан чавонмардона муҳориба бурда, шаҳид гардидаанд.
Имрӯз дар пояи “Лавҳаи хотира”-и шоҳидон ва иштирокчиёни Ҷанги Бузурги Ватании деҳаи Қаратоғи шаҳри Турсунзода ба муносибати 77-солагии Ғалабаи бузург бо иштироки Сафири фавқулодда ва мухтори Федератсияи Россия дар Ҷумҳурии Тоҷикистон Лякин-Фралов И. С. муовини раиси шаҳри Турсунзода Бобоҷонзода Фахрия , собиқадорони меҳнат, фаъолон, ҷавонон ва намояндагони ВАО чорабинии тантанавӣ баргузор гардид.
Зимни баромадҳо Сафири фавқулодда ва мухтори Федератсияи Россия дар Ҷумҳурии Тоҷикистон Лякин-Фралов И. С. ва муовини раиси шаҳри Турсунзода Бобоҷонзода Фахрия қаҳрамониву ҷоннисориҳои халқи тоҷикро дар ҶБВ ёдрас гардида, иброз доштанд, ки шаҳидони ҶБВ абадзинда ба ҳисоб рафта, меҳнаткашони ақибгоҳ, ки асосан модарону пирон ва кӯдаконро ташкил медод, меҳнати вазнину сангиро иҷро намуда, охирин бурдаи нони худро ба фронт “Барои Ғалаба” равона карда, дар таъмини ғалабаи бузург ба фашизми хунхор саҳми муносиб гузоштаанд.
Дар чорабинӣ хонандагони МТМУ№12 доир ба ҷонфидоиҳои фарзандони шуҷои миллат маърӯза ва шеърҳои ватанпарастона қироат намуданд.
