Деҳаи Чиртак яке аз деҳаҳои калонтарини Ҷамоати деҳоти Навободи шаҳри Турсунзода ба ҳисоб рафта, дар доираи тадбирҳо ҷиҳати сазовор пешвоз гирифтани 35-солагии Истиқлоли давлатии Ҷумҳурии Тоҷикистон аз ҷониби соҳибкорони бонангу номус ва фаъолону эҳсонкорони деҳа як қатор корҳои ободониву созанда ба нақша гирифта шудааст. Аз ҷумла, фаъолони деҳа имрӯзҳо ба бунёди клуби деҳавӣ камари ҳиммат бастаанд.
Имрӯз аз ҷараёни корҳои созанда ҷиҳати бунёди клуби деҳавӣ раиси шаҳри Турсунзода Акрамзода Парвиз Акрам шинос шуданд.
Фаъолон иброз доштанд, ки айни ҳол бинокорон машғули бомпӯш намудани иншоот буда, тибқи нақша иншооти мазкур дар арафаи таҷлили Рӯзи Ваҳдати миллӣ мавриди истифода қарор дода мешавад.
