Имрӯз дар як қатор деҳаҳои ҷамоати 10-солагии Истиқлолият инфрасохтори таъиноташон мухталиф мавриди баҳрабардорӣ қарор гирифта истодаанд. Дар расми ифтитоҳи биноҳои маишиву хизматрасонӣ муовини якуми раиси шаҳри Турсунзода Сайдамин Остоназода ва дигар фаъолони деҳот иштирок намуданд. Нахуст дар деҳаи Нақшбандон маркази хизматрасонии бонкии бонки давлатии амонатгузории Тоҷикистон ” Амонатбонк” мавриди истифодаи сокинон қарор дода шуд. Мақсади асосӣ аз ифтитоҳи нуқтаи мазкур дастрасии бештар ва мусоид пайдо кардани сокинон ба низоми хизматрасонии бонкӣ мебошад.
Дар идома дар деҳаи Пайканд-1 мағозаи хурокворӣ ва дорухона ба истифодаи сокинон супорида шуд. Дар ин росто аз тарафи муовини раиси шаҳр қайд карда шуд, ки фаъолияти дорухона ва маркази савдо барои осон гардонидани мушкилоти сокинони ин маҳал мусоидат менамояд. Бинои ду ошёнаи хизматрасонӣ бо дастгирии соҳибкорони маҳаллӣ бунёд карда шудааст.
Ҳамзамон дар заминаи дастуру ҳидоятҳои роҳбарияти олии Ҳукумати Ҷумҳурии Тоҷикистон дар деҳаи Пайканд-2-и ҷамоати 10-солагии Истиқлолият бо иштироки муовини аввали раиси шаҳр Сайдамин Остоназода утоқи кории раиси маҳалла ва сартарошхона ифтитоҳ гардид. Бинои мазкур аз тарафи соҳибкорони маҳаллӣ бунёд гардида, ба истифодаи сокинон супорида шуд. Дар ин замина дар ҳудуди ҷамоат бахшида ба ҷашни 35-солагии Истиқлоли давлатӣ нақша-чорабиниҳо таҳия гардида, бунёду барқарорсозии иншооти гуногун минбаъд вусъати тоза мегирад.
тоза мегирад.
