Дар толори мақомои иҷроияи ҳокимияти давлатии шаҳри ТУрсунзода таҳти раёсати муовини якуми раиси шаҳри Турсунзода Остоназода Сайдамин Ҳазрат ва иштироки масъулини прокуратураи ҳарбӣ, роҳбарияти мақомоти ҳифзи ҳуқуқи шаҳр ва иштироки аҳли ҷамоатчигии шаҳри Турсунзода вохӯрӣ доир гардид. Дар ҷараёни вохӯрӣ Паёми Президенти Ҷумҳурии Тоҷикистон муҳтарам Эмомалӣ Раҳмон «Дар бораи самтҳои асосии сиёсати дохилӣ ва хориҷии ҷумҳурӣ» ва Қонуни Ҷумҳурии Тоҷикистон “Дар бораи уҳдадории ҳарбӣ ва хизмати ҳарбӣ” мавриди шарҳ қарор гирифт.Дар ибтидо Сардори шуъбаи назорати қонунӣ бурдани қарорҳои суди сарпрокуратураи ҳарбии Ҷумҳурии Тоҷикистон Шарипов Фармон Паёми Президенти Ҷумҳурии Тоҷикистон муҳтарам Эмомалӣ Раҳмон «Дар бораи самтҳои асосии сиёсати дохилӣ ва хориҷии ҷумҳурӣ»-ро мавриди шарҳ қарор дод.
Зимни тавзеҳи паём ба масъалаи пешгирии муомилоти ғайриқонунии маводи мухаддир мароқи ҷидди зоҳир гардид. Шароипов Ф иброз дошт, ки гардиши ғайриқонунии маводи мухаддир яке аз сарчашмаҳои асосии маблағгузории терроризми байналмилалӣ ба ҳисоб рафта, бо дигар ҷиноятҳои муташаккили фаромиллӣ, аз ҷумла, ифротгароӣ, савдои одамон ва хариду фурӯши силоҳ робитаи ногусастанӣ дорад. Аз ин лиҳоз, ҳар як узви ҷомеаро мебояд дар баробари мақомоти ҳифзи ҳуқуқ дар самти пешгирӣ ва мубориза бар зидди гардиши ғайриқонунии маводи мухаддир мубориза бурда, барои ошкор намудани гурӯҳҳои муташаккили ҷиноятпеша ва қочоқи маводи мухаддир бо мақомоти дахлдор ҳамкорӣ карда шавад.
Инчунин таъкид шуд, ки мунтазам беҳтар кардани шароити хизмат ва зиндагии афсарону сарбозон, аз лиҳози техникиву таҷҳизот навсозӣ кардани Қувваҳои Мусаллаҳ ва махсусан, Қӯшунҳои сарҳадӣ, ташкили дурусти ҳайати захираҳои даъвати сафарбарӣ, бо лавозимоту таҷҳизот таъмин кардан, баланд бардоштани сатҳи касбӣ ва омодабошии онҳо дар мадди назари Ҳукумати мамлакат қарор дорад.
Дар идома аз ҷониби прокурори ҳарбии горнизони шаҳри Душанбе Шарифзода Шуҳрат Қонуни Ҷумҳурии Тоҷикистон “Дар бораи уҳдадории ҳарбӣ ва хизмати ҳарбӣ” мавриди шарҳ қарор гирифт. Таъкид шуд, ки қонуни мазкур дар таҳрири нав уҳдадориҳои шаҳрвандон ва масъулинро дар ин самт муайян намуда, аз ҳар як шаҳрванд иҷрои ҳатмии онро талаб менамояд.
Дар робита рӯзномаи вохӯрӣ миёни ҳозирин суҳбати озод сурат гирифта, роҳбарони мақомоти ҳифзи ҳуқуқ ва намояндагони прокуратураи ҳарбӣ ба суолҳои ҳозирин ҷавобҳо мушаххас пешниҳод намуданд.
