Имрӯз дар мақомоти иҷроияи ҳокимияти давлатии шаҳри Турсунзода доир ба натиҷаҳои рушди иҷтимоию иқтисодии шаҳри Турсунзода дар соли 2021 бо иштироки Президенти Академияи кишоварзии Ҷумҳурии Тоҷикистон Асозода Нуралӣ Маҳмадулло ва таҳти раёсати раиси шаҳр Акрамзода Парвиз Акрам маҷлиси ҷамъбастӣ баргузор шуд.
Нахуст муовини раиси шаҳр Собирзода Ғафурҷон Мирзоалӣ натиҷаҳои рушди иҷтимоиву иқтисодии шаҳрро дар ҷамъатӣи соли 2021 мавриди таҳлил қарор дода, таъкид дошт, ки дар маҷмуъ рушди соҳаҳо таъмин ва нақшаибуҷети шаҳр иҷро гардид. Дар ин давра музди меҳнати корхонаҳои буҷетӣ, нафақа ва ҷубронпулиҳо пурра пардохта шуд.
Дар доираи нақшаи чорабиниҳо ҷиҳати сазовор пешвоз гирифтани 30-солагии Истиқлолияти давлатии Ҷумҳурии Тоҷикистон дар ҳамкорӣ бо соҳибкорон, фаъолон ва аҳолӣ дар маркази шаҳр ва ҷамоатҳои деҳот корҳои ободонӣ вусъат ёфта, барқарорсозӣ бунёд ва ба истифода додани 382 иншооти мухталиф ба нақша гирифта шуда, дар доираи тадбирҳои ҷашнӣ 427 иншоот ба истифода дода шуд, яъне нақша 111,7 % иҷро гардид.
Баъд аз таҳлили рушди иҷтимоию иқтисодии шаҳр аба масъулин барои соли 2022 бо мақсади баланд бардоштани сатҳи кор, мол ва хизматрасонӣ бунёди корхонаву коргоҳҳои истеҳсолӣ, таъсис додани ҷойҳои нави корӣ, афзоиши маҳсулоти саноативу кишоварзӣ, иҷрои дурнамои соҳаҳо, афзун намудани маҳсулоти содиротӣ, истифодаи самараноки заминҳои корам, иҷрои қисми даромади буҷет, пардохти саривақтии музди меҳнат, нафақа ва ҷубронпулиҳо, вусъати корҳои фаҳмондадиҳӣ ҷиҳати баланд бардоштани маърифати ҳуқуқии сокинон ва дигар масъалаҳои муҳим вазифагузорӣ карда шуд.
Дар идома ғолибони озмуни “Беҳтарин деҳот” дар соли 2021, ки дар доираи тадбирҳои ҷашнӣ бахшида ба 30-солагии Истиқлолияти давлатии Ҷумҳурии Тоҷикистон ва солҳои рушди деҳот, сайёҳӣ ва ҳунарҳои мардумӣ дар шаҳр эълон гардида буд, қадрдонӣ шуданд.
Дар ҷамъбасти озмуни “Беҳтарин деҳот” дар соли 2021 ҷои 1 ва Дипломи дараҷаи якумро Ҷамоати деҳоти 10-солагии Истиқлолият сазовор гардида, ишғоли ҷои 2 ва Дипломи дараҷаи 2 ба Ҷамоати деҳоти ба номи Ҷӯра Раҳмонов ва ишғоли ҷои 3 ва Дипломи дарҷаи 3 ба Ҷамоати деҳоти ба номи Турсун Тӯйчиев муяссар гардид.
