Бо мақсади фарогирии кӯдакон ба тарбия дар ширхоргоҳ-кӯдакистонҳо ва беҳтар гардонидани шароити тарбияи атфол дар муассисаҳои томактабии шаҳри Турсунзода тадбирҳои зарури андешида мешаванд.
Имрӯз раиси шаҳри Турсунзода Акрамзода Парвиз Акрам аз муассисаи томактабии №7, ки аз таъмири мукаммал бароварда шуд, дидан намуданд.
Боиси зикр аст, ки кӯдакистони мазкур таи чанд соли охир таъмирталаб буда, бо ташаббуси мақомоти иҷроияи ҳокимияти давлатии шаҳр аз таъмири асосӣ бароварда шуда, бо мизу курсӣ лавозимоти хониш, рахтҳои хоб ва ҷевону ва бозичаҳои кудакона таъмин гардид.
