Қабули навбатии сайёри шаҳрвандон аз ҷониби раиси шаҳр Акрамзода Парвиз Акрам имрӯз дар деҳаи Самарқанди Ҷамоати деҳоти Сешанбеи шаҳри Турсунзода баргузор шуд.
Аз ҷониби сокинони маҳал ба раиси шаҳр вобаста ба масъалаҳои таъмири пули байнидеҳавӣ, ҳуҷҷатгузории манзили истиқоматӣ, таъмини маъюбон бо аробачаи маъюбӣ, расонидани кӯмаки моддӣ ба оилаи ниёзманд,ҷудо намудани қитъаи замин барои бунёди манзили истиқоматӣ ва дигар масъалаҳои мубрами сокинони маҳал ҷињати мусоидат муроҷиат карда шуд.
Ҷиҳати қонеъ гардонидани арзу дархости сокинон масъулин вазифадор шуданд, ки тибқи талаботи Қонуни Ҷумҳурии Тоҷикистон “Дар бораи муроҷиатҳои шахсони воқеӣ ва ҳуқуқӣ ” дархости сокинон сари вақт мавриди баррасӣ ва иҷро қарор дода шаванд.
Баъдан бо фаъолон ва раисони кумитаи маҳал суҳбати озод сурат гирифт. Раиси шаҳр иброз доштанд, ки дар доираи корҳои созанда ҷиҳати рушди маҳал ва истиқболи сазовори 30-солагии Истиқлолияти давлатии Ҷумҳурии Тоҷикистон сокинони деҳоти Сешанбе иштироки фаъолона намуданд, ки шоиста таҳсин ва арзи сипос аст.
Масъалаҳои тарбияи ҷавонону наврасон дар рӯҳияи худшиносиву ватандӯстӣ, хизмат ба Ватан, пешгирии шомилшавии онҳо ба ҳизбу ҳаракатҳои ифтротӣ, ҷалби насли наврас ба озмунҳои ҷумҳуриявӣ ва идомаи анъанаи неки бунёдкориву созандагӣ аз масъалаҳое буданд, ки зимни суҳбати озод аз ҷониби раиси шаҳр ба он таваҷҷуҳи бештар равона гардид.
