Имрӯз дар шаҳри Турсунзода ба ифтихори Рӯзи Президенти Ҷумҳурии Тоҷикистон ва 29-умин солгарди Иҷлосияи XVI Шӯрои Олии Ҷумҳурии Тоҷикистон бо иштироки роҳбарияти мақомоти ҳифзи ҳуқуқ, корхонаву ташкилот, фаъолон ва собиқадорони меҳнат чорабинии тантанавӣ баргузор шуд.
Раиси шаҳри Турсунзода Акрамзода Парвиз Акрам ҳозирин ва кулли сокинони шаҳрро ба ин муносибат табрику таҳният намуда, иброз доштанд, ки маҳз Иҷлосияи XVI Шӯрои Олии Тоҷикистон барои пойдории сулҳу субот, мустаҳкам намудани пояҳои ҳуқуқӣ, сохти конститутсионии мамлакат нақши муҳим гузошта, ба марҳилаи наву созандаи давлатдории тоҷикон заминаи боэътимод гузошт.
Барои таъмини сулҳу ваҳдат, рушду пешрафти мамлакат, ягонагии мардуми сарзамин ва болоравии обрӯву нуфузу мақоми Тоҷикистони соҳибистиқлол дар арсаи байналмилалӣ, ки ба фаъолияти босамари Президенти Ҷумҳурии Тоҷикистон вобастагӣ дорад, дар қонунгузории кишварамон рӯзи 16 ноябр Рӯзи Президент пазируфта шуд.
Дар идома иштирокчии Иҷлосияи XVI Шӯрои Олии Тоҷикистон Раҷабов Абдурасул доир ба баргузории иҷлосияи сарнавиштсоз ёддоштҳои худро баён намуд.
Кормандони шуъбаи фарҳанг бо пешниҳоди сурудҳои ватанпарварона ба чорабинӣ ҳусни тозаи идона зам намуданд.
Комментировать
Поделиться
