Кооперативи истеҳсолию тиҷоратии “Самир” аз хоҷагиҳои пешқадами кишоварзии шаҳри Турсунзода ба ҳисоб рафта, деҳқонони хоҷагӣ баробари парвариши дигар намуди зироатҳо соли ҷорӣ дар парвариш ва руёнидани ҳосили фаровони пахта низ ба дастовардҳои назаррас ноил гардиданд.
Зимни суҳбат раиси хоҷагӣ Шавкат Холов иттилоъ дод, ки хоҷагии дар 170 га замин пунбадона кишт карда, то имрӯз беш аз 487 тонна “тиллои сафед”-ро ҷамъоварӣ намуда, ба хирмани Ватан супориданд, ки 114,5 фоизи нақшаро дар бар мегирад. Ҳосилнокӣ бошад, аз ҳар гектар замин ба 28 сентнер баробар гардид.
– Ҳарчанд нақша иҷро шуда бошад ҳам, ҳанӯз ҷамъоварии ҳосил идома дошта, деҳқонони хоҷагӣ ният доранд, ки то охири мавсим беш аз 500 тонна пахтаро ҷамъоварӣ карда, ҳосилнокиро аз 30 сентнер бештар намоянд, илова намуд раиси хоҷагӣ Ш. Холов
