Дар ҷамоати деҳоти ба номи Ҷӯра Раҳмонови шаҳри Турсунзода қабули навбатии сайёри шаҳрвандон аз ҷониби раиси шаҳр Акрамзода Парвиз Акрам баргузор шуд.
Зимни қабули сайёр сокинони маҳал мусоидати раиси шаҳрро брои ҷудо намудани қитъаи замин барои бунёди маркази саломатӣ, муайян намудани мавзеи партовгоҳ, қитъаи замин барои манзилгоҳи абадӣ, ҳалли маъалаи оби полезӣ,ҳуҷҷатгузории замини наздиҳавлигӣ аз ҳисоби заминҳои лалмӣ ва дигар масъалаҳои ҳаёти деҳот муроҷиат намуданд.
Баъдан раиси шаҳр бо фаъолон, расони кумати маҳал ва хоҷагидорон суҳбат намуда, барои корҳои созанда ҷиҳати рушди маҳал ба фаъолон изҳори сипос намуда, ҷиҳати бо сифат ва сари вақт сохта, ба истифода додани иншооти нақшавии ҷашнӣ дастур дод.
Дар идома Акрамзода П.А. вобаста ба масъалаҳои тарбияи ҷавонону наврасон дар рӯҳияи худшиносиву ватандӯстӣ, ҷалби онҳо ба озмунҳои ҷумҳуриявӣ, ҳамчунин дар масоили ҳифзи худогоҳии миллӣ, арзишҳои олии инсонӣ, идомаи анъанаи неки бунёдкориву созандагӣ ва таҷлили сазовори ҷашни 30-солагии Истиқлоли давлатии Ҷумҳурии Тоҷикистон суҳбат ороста, таъкид дошт, ки баргузории ҷашнвора дар сатҳи баланди сиёсиву фарҳангӣ аз ҳар яки мо тақозо менамояд, ки корҳои созандаро вусъат дода, барои баланд бардоштани сатҳи некуаҳволии сокинон аз тамоми имкониятҳо пурсамар истифода намоем.
