Имрӯз дар майдони Парчами давлатӣ сокинони меҳнатдӯсти шаҳри Турсунзода дар рӯҳияи баланди ифтихор аз ватандорӣ – ҷашни яке аз рамзҳои соҳибистиқлолӣ – Рӯзи Парчами давлатии Ҷумҳурии Тоҷикистонро дар фазои тантанавӣ истиқбол гирифтанд.
Зимни паёми шодбошӣ раиси шаҳр Акрамзода Парвиз Акрам иброз дошт, ки халқи соҳибтамаддуни тоҷик таърихи ҳазорсолаи парчамдорӣ дошта, бо шарофати Истиқлолият ҳамчун таҷассумгари таърихи ниёгон ва ояндаи дурахшони Тоҷикистон, ифодагари бахту иқбол, Истиқлол, иттиҳоду сарҷамъӣ, ватандӯстиву ҳувияти миллӣ Парчами давлатӣ аз нав дар фазои Ватан парафшон гардид.
Ба истиқболи ин санаи муҳими таърихӣ дар деҳоти шаҳр як қатор иншооти иҷтимоиву хизматрасонӣ мавриди истифода қарор дода шуд.
