Қабули сайёри навбатии раиси шаҳри Турсунзода Акрамзода Парвиз Акрам имрӯз дар асоси нақшаи кори мақомоти иҷроияи ҳокимияти давлатии шаҳр дар Ҷамоати деҳоти Регар баргузор шуд.
Сокинони Ҷамоати деҳоти Регар асосан ҷиҳати мусоидат ба ҳалли масъалаҳои дастгирии сокинон вобаста ба ҷудо намудани қитъаи замин ҷиҳати бунёди майдончаҳои варзишӣ, таъмини сутунпояҳо барои таҷдиди хати интиқоли қуваи барқ, соҳилмустаҳкамкунӣ дар деҳаҳои соҳилнишин ва ҷудо намудани қитъаи замини наздиҳавлигӣ муроҷиат намуданд.
Акрамзода Парвиз Акрам пас аз баррасии муроҷиати шаҳрвандон ба масъулини мақомоти иҷроияи ҳокимияти давлатии шаҳр ва кормандони дастгоҳи Ҷамоати деҳоти Регар ҷиҳати дар доираи талаботи Қонуни ҶТ «Дар бораи муроҷиатҳои шахсони воқеӣ ва ҳуқуқӣ» расидан ба арзу дархости шаҳрвандон таъкид намуд.
Бо мақсади дар маҳал мавриди баррасӣ қарор додани масъалаҳои иброзшуда масъулин ба деҳаҳо сафарбар гардиданд.
Қабули сайёри шаҳрвандон аз ҷониби раиси шаҳр дар дигар деҳоти шаҳр низ идома дорад.
