-
Имрӯз дар асоси дастуру супоришҳои муҳтарам Пешвои миллат, ки 26 августи соли 2021 дар доираи сафари корӣ ба шаҳри Турсунзода ва зимни ифтитоҳи Литсей-интернати шаҳри Турсунзода баён гардиданд, дар заминаи муассисаи мазкур ҷиҳати бунёди хобгоҳи тарбиятгирандагон барои 340 нафар корҳои сохтмонӣ ҳусни оғоз ва санги асоси иншооти мазкур гузошта шуд.
Бунёди иншооти мазкур бо ташаббуси мақомоти иҷроияи ҳокимияти давлатии шаҳри Турсунзода дар ҳамкорӣ бо Ташкилоти ҷамъияти хайриявии”Тавҳид” дар доираи нақшаи чорабиниҳо ҷиҳати сазовор пешвоз гиритани 35-солагии Истиқлолияти давлатии Ҷумҳурии Тоҷикистон оғоз гардид. Гузоштаи санги асос бо иштирооки муовини якуми раиси шаҳри Турсунзода Остоназода Сайдамин Ҳазрат ва роҳбари ташкилоти мазкур Ҳакимов Баҳриддин ва дигар масъулин амалӣ гардид.
Зимни суҳбат Ҳакимов Баҳриддин иброз дошт, ки дар доираи лоиҳа дар ин муассиса инчунин, бинои нави ошхона, майдончаи варзишӣ, меҳмонхона ва дигар иншооти ёрирасон сохта, ба истифода дода мешаванд. Ҳамзамон бунёди коллеҷи касбӣ ба нақша гирифта шудааст.
Дар шаҳри Турсунзода ҷиҳати татбиқи сиёсати маорифпарваронаи муҳтарам Пешвои миллат бо мақсади муҳайё намудани шароити таҳсил дар заминаи 25 мактаб сохтмони 263 синфхонаи иловагӣ барои 6216 ҷойи нишаст ба нақша гирифта шуда, корҳои сохтмонӣ муташаккилона идома доранд.
