Имрӯз дар толори мақомоти иҷроияи ҳокимияти давлатии шаҳри Турсунзода таҳти раёсати муовини раиси шаҳр Эҳсонзода Мусулмон Қобил бо иштироки ёрдамчии сардори Раёсати мубориза бар зидди ҷиноятҳои муташаккили Вазорати корҳои дохилии Ҷумҳурии Тоҷикистон, майори милитсия Бухоризода Беҳрӯз Рустам, инчунун сардори шуъбачаи пешгирӣ барҳамзании ҷиноятҳои хусусияти экстрамистидошта дар гурӯҳи роҳияҳои Ҳисор майори милитсия Қадамзода Бахтиёр Сафархон вобаста ба пешгирии шомилшавии ҷавонон ба гуруҳҳои ифротӣ бо намояндагони аҳли ҷамоатчигӣ доир гардид.
Зимни суханронӣ ёрдамчии сардори Раёсати мубориза бар зидди ҷиноятҳои муташаккили Вазорати корҳои дохилии Ҷумҳурии Тоҷикистон, майори милитсия Бухоризода Беҳрӯз Рустам иброз дошт, ки дар замони муосир ҷомеаи ҷаҳонӣ ба ба таҳдидҳое рӯ ба гардидаст, ки характери глобалӣ доранд, аз зуҳури терроризму экстремизм ва вусъати он дар минтақа аз масъалаҳои муҳиме мебошад. Зеро экстремизму терроризм боиси хавфи ҳалокати одамон, расонидани зарари ҷиддӣ ё ба миён омадани оқибатҳои ба ҷамъият хавфнок, ки бо мақсади халалдор сохтани амнияти ҷамъиятӣ, тарсонидани аҳолӣ, инчунин таҷовуз ба ҳаёти арбоби давлатӣ ё ҷамъиятӣ бо мақсади суст кардани сохти конститутсионӣ ё амнияти давлат, ҳамчунин бо мақсади қатъ гардидани фаъолияти давлат ё дигар фаъолияти сиёсӣ ё ба мақсади барангехтани ҷанг ё мураккаб сохтани муносибатҳои байналмилалӣ мебошад. Аз ин лиҳоз Тоҷикистон ҳамчун узви ҷомеаи ҷаҳонӣ ба ин масъалаҳои муҳим бетараф буда наметавонад.
