Имрӯз дар шаҳри Турсунзода машғулиятҳои омодагии мудофиаи ҳудудӣ баргузор гардид, ки дар ҷараёни он шаҳрвандони дар эҳтиётбуда, кормандони мақомоти ҳифзи ҳуқуқ ва роҳбарону кормандони ташкилоту муассисаҳо баъд аз бонг дар ҷойи муайяншудаи машқӣ ҷамъ омаданд.
Рафти ҳолати омодабошӣ аз ҷониби роҳбарияти Вазорати мудофиаи Ҷумҳурии Тоҷикистон ва роҳбарияти шаҳри Турсунзода мавриди санҷиш қарор гирифт.
Баъд аз қабули ҳисоботи масъулин раиси шаҳри Турсунзода ва намояндаи Вазорати мудофиаи мамлакат иброз доштанд, ки, чунин машғулиятҳо ба сифати омодагии шаҳрвандони дар эҳтиётбуда ва кормандони мақомоти ҳифзи ҳуқуқ мусоидат менмояд. Шароити кунунии ҷаҳони муосир, авҷ гирифтани ҳар гуна зуҳуроту хатарҳои глобалӣ ва вазъи ноорому пешгӯйинашавандаи ҷаҳони муосир аз хизматчиёнии ҳарбӣ, кормандони сохторҳои мақомоти ҳифзи ҳуқуқ ва шаҳрвандони дар эҳтиёт буда тақозо менамояд, ки ки дар иҷрои вазифаҳои касбиву хизматии хеш масъулияти баланд зоҳир намуда, ҳушёру зирак бошанд ва бо ҳамкориву ҳамгироии муштарак дар таъмини амният, пойдории сулҳу субот ва ҳифзи марзу буми Ватан саҳми арзанда гузоранд.
Машқҳои имрӯза собит намуданд, ки сокинони шаҳри Турсунзода нисбат ба ҳар дастуру супориши роҳбарияти олии мамлакат омода буда, ҳифзи сарзамини муқаддасро қарзи фарзандӣ ва масъулияти шаҳрвандӣ медонанд.
