Дар шаҳри Турсунзода бо мақсади иштирок дар озмуни ҷумҳуриявии гулҳо – ”Сайри гули лола” маъракаи шинонидани тухми гули лола оғоз гардид.Имрӯз аз ҷониби кормандони муассисаи манзилию коммуналии шаҳр дар Майдони Парчами давлатӣ мазеъҳои гулкорӣ омода гардида, тибқи талаботи агротехникӣ беш аз 5 ҳазор тухми гули лола шинонида шуд.
Тибқи маълумоти сардори Муассисаи манзилию коммуналии шаҳри Турсунзода Саидумрон Бобоев дар шаҳр шинонидани беш аз 100 ҳазор гули лола ба нақша гирифта шудааст.
Боиси зикр аст, ки дар озмуни ҷумҳуриявии гулҳо – ”Сайри гули лола” дар соли 2020 шаҳри Турсунзода ба гирифтани 3 ҷоиза – дар се номинатсия – деҳа, маҳалла ва деҳоти беҳтарин дипломи дараҷаи сеюмро
сазовор гардида буд.
