Ҷавоҳир Шодиеви 17-сола, сокини шаҳри Турсунзода ва дастпарвари мактаби варзишии шаҳри Турсунзода дар Чемпионати ҷаҳон оид ба муҳорибаҳои омехта, ки рӯзҳои 1-ум то 7-уми августи соли ҷорӣ дар шаҳри Абу-Дабии Аморати Муттањидаи Араб баргузор шуд, иштирок намуда, дар вазни 56 кг миёни варзишгарони 46 давлати дунё унвони Чемпиони ҷаҳонро сазовор гардид.
Ҷавоҳир дар рақобатҳои чандрӯза рақибони худро аз кишварҳои Аморати Муттаҳидаи Араб, Озарбойҷон, Қазоқистон ва Тоҷикистон шикаст дода, дар финал варзишгари украиниро мағлуб сохт ва сазовори ҷоизаи тиллоии Чемпионати ҷаҳон гардид.
Раиси шаҳри Турсунзода Акрамзода Парвиз Акрам Ҷавоҳир Шодиевро ба ҳузур пазируфта, аз номи мақомоти иҷроияи маҳаллии ҳокимияти давлатӣ ва мардуми шаҳри Турсунзода барои муаррифии Тоҷикистон дар арсаи ҷаҳон изҳори сипос намуда, бо Ифтихорнома ва тӯҳфаҳои хотирмон сарфароз гардониданд.
