-
Бо мақсади татбиқи ҳадафи чоруми миллӣ-саноатикунонии босуръати мамлакат ва эълони “Солҳои рушди саноат” имрӯз раиси шаҳри Турсунзода Акрамзода Парвиз Акрам аз як қатор корхонаҳои саноатии шаҳр дидан намуда, бо ҷараёни истеҳсол ва сифати маҳсулот шинос шуданд.
Корхонаҳои истеҳсоли хишти сохтмонӣ. Раиси шаҳр зимни шиносоӣ аз фаъолияти ҶДММ “Умед-М”, ҶДММ “Нигора” ва ҶДММ “Ҳоҷӣ Муҳаммадӣ” ба масъулин супориш доданд, ки ба масъалаи таҷдиду азнавсозии истеҳсолот, муҷаҳҳазгардонӣ, сифати маҳсулот, иҷрои нақшаҳои истеҳсолӣ ва шароити кории кормандон аҳамияти ҷиддӣ зоҳир карда шавад.
Коргоҳи яхмосбарорӣ. Ба масъулини коргоҳи яхмосбарорӣ дастур дода шуд, ки ба вазъи санитарию эпидемологии коргоҳ ва маҳсулот таваҷҷуҳи аввалиндараҷа зоҳир намуда, ҷиҳати зиёд намудани номгӯи маҳсулот тадбирҳои зарурӣ андешида шавад.
ҶДММ “ЭҲСОН МАҲСУЛОТ” тибқи маълумоти масъулин корхона тибқи иқтидори истеҳсолӣ фаъолият намуда, маҳсулоти он дар бозори шаҳру навоҳии тобеи марказ ва вилояти Хатлон серхаридор аст. Айни ҳол корхона ҷиҳати истеҳсоли ашёи хоми ватанӣ лоиҳаҳои истеҳсолиро омода карда истодааст.
ҶДММ “АЛЮМИН -ПРОФ” Ба раиси шаҳр иттиллоъ дода шуд, ки корхона тибқи иқтидори истеҳсолӣ фаъолият дошта, маҳсулоти корхона воридотивазкунанда ва ба содирот нигоаронида шудааст.
Боиси зикр аст, ки дар доираи эълони “Солҳои рушди саноат” дар шаҳри Турсунзода бунёди 21 корхонаи саноатӣ ба нақша гирифта шудааст.
