Раиси шаҳри Турсунзода Акрамзода Парвиз Акрам дар арафаи Рӯзи Модар бо як қатор занҳои фаъоли шаҳр, ки дар соҳаҳои гуногуни хоҷагии халқ меҳнати пурсамар намуда, дар рушди иҷтимоиву иқтисодии шаҳр саҳми муносиб доранд, ба ифтихори Рӯзи Модар вохӯрӣ намуда, огҳоро ба ифтихори иди баҳору зебоӣ табрику муборакбод ва бо туҳфаҳои хотиравӣ қадршиносӣ намуданд.
Зимни суҳбат раиси шаҳр иброз доштанд, ки дар сатҳи давлатӣ ва бо тантанаву шукӯҳи хосса ҷашн гирифтани Рӯзи модар нишонаи эътибору эҳтироми зиёди давлат ва Ҳукумати кишвар нисбат ба модарону занон мебошад, зеро нақши занону модарон дар ободии хонадон, тарбия кардану ба воя расонидани фарзандон, ба онҳо омӯзонидани забони модарӣ, одобу маънавиёт, парвариши эҳсоси баланди худшиносиву худогоҳӣ, ҳисси миллӣ ва ифтихори ватандорӣ беназир аст.
Раиси шаҳр изҳор доштанд, ки “мо итминон дорем, ки модарони фаъоли шаҳр минбаъд низ дар таълиму тарбияи насли ояндасоз, ҷалби онҳо ба илму дониш, касбу ҳунар тарбияи навхонадорон, пешгирии пошхӯрии оилаҳо саҳми муносиб гузошта, дар ҳаёти сиёсиву иҷтимоӣ ва фарҳангии шаҳр фаъолона ширкат варзида, ба хотири пешрафти кишвари азизамон рисолати созандагии худро бо садоқату устувории модарона идома медиҳанд”.
и
Поделиться
