Дар Ҷамоати деҳоти 10-солагии Истиқлолият вохӯрии раиси тозатаъини ҷамоати деҳот Негматуллоева Умеда бо фаъолон, раисони кумитаи маҳал, директорони муассисаҳои таълимӣ ва имомохатибон баргузор шуд.
Дар ҷараёни вохӯри паёми Президенти Ҷумҳурии Тоҷикистон ба Маҷлиси Олии мамлакат мавриди шарҳ қарор гирифта, таъкид шуд, ки паём ҳамчун дастурамали фаъолият вазифаҳои моро муайян намуда, аз ҳар яки мо тақозо менамояд, ки ҷиҳати иҷрои дастуру супоришҳои Сарвари давлат софдилонаву содиқона меҳнат намуда, барои фардои гулафшони Ватан сайъу кӯшиш намоем.
Дар рафти вохӯрӣ инчунин масъалаҳои ба роҳ мондани корҳои созанда ва ободонӣ ҷиҳати рушди маҳал, тарбияи насли ҷавон дар рӯҳияи донишомӯзӣ ва ҳунарандӯзӣ, баланд бардоштани эҳсоси ватанпрастӣ ва омода будан ба хизмати ҳарбӣ, пешгирии шомилшавии сокинон ба ҳизбу ҳаракатҳои ифротӣ, пешгирии хурӯҷи бемориҳои сироятӣ ва эмгузаронии аҳолӣ ва дигар масъалаҳои умдаи рӯз мавриди баррасӣ қарор гирифтанд.
