Бо мақсади иҷрои супоришҳои муҳтарам Пешвои миллат зимни сафари кориашон ба шаҳри Турсунзода доир ба зиёд намудани сардхонаҳо барои нигоҳдории маҳсулоти кишоварзӣ, хусусан ангур имрӯз дар ҷамоти деҳоти ба номи Ҷӯра Раҳмонови шаҳри Турсунзода аз ҷониби Хоҷагии деҳқонии “Янгибоғ” сардхонаи нав бо ғунҷоиши 1000 тонна маҳсулот мавриди баҳрабардорӣ қарор гирифт.Дар тантанаи ифтитоҳи иншоот раиси шаҳри Турсунзода Акрамзода Парвиз Акрам иброз доштанд, ки сол то сол майдони токзор афзуда, нигоҳдории маҳсулот барои таъмини бозорҳои ватанию хориҷӣ аз масъалаҳои муҳим ба ҳисоб меравад. Алҳол дар шаҳр барои нигоҳдории 12000 тонна маҳсулоти кишоварзӣ сардхонаҳо мавҷуд буда, инчунин сохтмони сардхонаҳо барои беш аз 4000 тонна маҳсулоти кишоварзӣ идома дорад.
-Ба истифода дода шудани иншооти мазкур туҳфаи арзандаест ба муносибати 29-солагии Иҷлосияи XVI Шӯрои Олии Тоҷикистон ва таҷлили Рӯзи Президенти Ҷумҳурии Тоҷикисон,-иброз доштанд раиси шаҳр.
