Дар шаҳри Турсунзода дар ҳамбастагии мақомоти иҷроияи ҳокимияти давлатии шаҳр ва Кумитаи иҷроияи ҲХДТ дар шаҳри Турсунзода бахшида ба 30-солагии Истиқлолияти давлатии Ҷумҳурии Тоҷикистон ва Рӯзи Президенти Ҷумҳурии Тоҷикистон аз рўи китоби безаволи аллома Бобоҷон Ғафуров сабқати зеҳнӣ таҳти унвони “Тоҷикон дар хонадони ман” баргузор шуд.
Дар сабқат 15 даста аз ташкилотҳои ибтидоии ҳизбии корхонаву ташкилоти шаҳр иштирок намуданд, ки ҳар як даста рамзӣ аз китоби “Тоҷикон” номгузорӣ гардид.
Дар ҷараёни сабқат раиси шаҳр Акрамзода Парвиз Акрам суханронӣ намуда, иброз доштанд, ки китоби “Тоҷикон” ба сифати шиносномаи миллат шинохта шуда, дар арсаи ҷаҳон тоҷиконро ҳамчун миллати қадимӣ, тамаддунофару соҳибфарҳанг, озодихоҳу истиқлолпарвар муаррифӣ намудааст. 
Аз ин лиҳоз ҳар яки мо вазифадорем, ки онро омӯхта, аз миллату ниёгони худ ифтихор намоем ва бо меҳнати пурсамару дониши мукаммал ҷиҳати муаррифии милллати худ кӯшиш ба харҷ диҳем.
Аз ин лиҳоз ҳар яки мо вазифадорем, ки онро омӯхта, аз миллату ниёгони худ ифтихор намоем ва бо меҳнати пурсамару дониши мукаммал ҷиҳати муаррифии милллати худ кӯшиш ба харҷ диҳем.Дар ҷамъбасти сабқат дастаи “Спитамен” – и ташкилоти ибтидоии ҳизбии “Роҳбар”-и мақомоти иҷроияи ҳокимияти давлатии шаҳр, сазовори ҷои 1, дастаи “Ковиён”- и ташкилоти ибтидоии ҳизбии шӯъбаи маориф ҷои 2 , дастаи “Хуросон”-и ташкилоти ибтидоии ҳизбии Ҷамоати деҳоти 10-солагии Истиқлолият ва дастаи “Сомониён”-и Ҷамоати деҳоти Навобод ҷои 3-ро соҳиб шуданд.
Ғолибон бо Сипосномаи КИ ҲХДТ дар шаҳр ва мукофотҳои хотиравӣ қадрдонӣ гардиданд.
