Қабули сайёри навбатии раиси шаҳри Турсунзода Акрамзода Парвиз Акрам дар деҳаи Шарқиёни Ҷамоати деҳоти 10-солагии Истиқлолият баргузор шуд.
Дар ибтидо раиси шаҳр изҳор дошт, ки мақсад аз баргузории қабули сайёр расидагӣ ва баррасии арзу дархости сокинон дар маҳал мебошад.
Сокинони маҳал ба раиси шаҳр ҷиҳати мусоидат ба ҳалли масъалаҳои ҷудо намудани қитъаи замин барои сохтмони маркази хизматрасонӣ ва мағоза, таъмини аҳолӣ бо оби нӯшокӣ, дастрас намудани сутунпояҳои оҳанию бетонӣ барои интиқоли нерӯи барқ, расонидани кӯмаки моддӣ барои табобат, ҳуҷҷатнигории манзили истиқоматӣ ва майдончаи варзишӣ, инчунин дигар масъалаҳои мубра ба ҳаёти сокинони маҳал муроҷиат намуданд.
Дар ин замина раиси шаҳр ба масъулин вобаста ба сари вақт мавриди баррасӣ қарор додани арзу дархости шаҳрвандон супориш дода, таъкид намуд, ки муроҷиатҳо тибқи талаботи Қонуни Ҷумҳурии Тоҷикистон «Дар бораи муроҷиатҳои шахсони воқеӣ ва ҳуқуқӣ» баррасӣ карда шаванд.
и е
