Имрӯз дар доираи сафари корӣ ба Ҷумҳурии Тоҷикистон ҳайати намояндагони Ҷумҳурии Қазоқистон таҳти раёсати Вазири савдо ва ҳамгироии Ҷумҳурии Қазоқистон Султанов Бакит Турлиханович ба шаҳри Турсунзода ташриф овард.
Дар конфронстолори мақомоти иҷроияи ҳокимияти давлатии шаҳри Турсунзода бо иштироки гурӯҳи кории ҷониби Қазоқистон, роҳбарияти шаҳр ва соҳибкорону хоҷагидорон машварати корӣ доир ба имкониятҳои истеҳсол ва содироти маҳсулоти кишоварзии шаҳри Турсунзода баргузор шуда, доир ба ин мавзуъ раиси шаҳр Акрамзода П.А. маълумот пешниҳод намуд. Баъд аз мубодилаи афкори тарафҳо аввалин шартномаи ҳамкорӣ бо ҶДММ “Меваю сабзавоти Турсунзода” ба маблағи 500 ҳазори доллари ИМА баста шуд.
Дар қисми дуюми мулоқот машварати сайёр сурат гирифта, гурӯҳи корӣ бо фаъолияти ҶДММ “Сардор 2008” шинос шуд.
Дар ҷараёни машварати сайёр ҳамчунин гурӯҳи корӣ аз хоҷагиҳои “Ватан” ва “Боғи Сомон” дидан намуда, ба токзорҳо ва фаъолияти токпарварони шаҳри Турсунзода баҳои баланд дода, ҳамзамон ҷиҳати содироти маҳсулот бо хоҷагии деҳқонии “Боғи Сомон” ба маблағи 500 ҳазор доллари ИМА шартномаи ҳамкорӣ ба имзо расид.
Комментировать
Поделиться
