Бахшида 76 солагии рӯзи Ғалаба бар фашизм ва пос доштани хотираи абармардони майдони ҷанг дар шаҳри Турсунзода чорабинии тантанавӣ баргузор шуд.
Дар ибтидо баҳри поси хотири шаҳидони ҷанг аз ҷониби Акрамзода Парвиз Акрам, роҳбарияти мақомоти ҳифзи ҳуқуқ, собиқадорони ҷангу меҳнат дар назди гулхани абад гулчанбар гузошта шуд.
Сипас, раиси шаҳр собиқадорони ҷанг ва ҳозиринро ба ифтихори Рӯзи Зафар муборакбод намуда, изҳор дошт, ки барои расидан ба Ғалабаи бузург дар баробари дигар халқҳои Иттиҳоди Шӯравӣ мардуми Тоҷикистон низ нақши муҳим гузоштаанд. Дар давраи Ҷанги Бузурги Ватанӣ беш аз 300 ҳазор нафар фарзандони Тоҷикистон ба фронт равона гардида, 92 ҳазор нафари онҳо дар майдони мубориза шањид шудаанд. Дар ин солҳои мудҳиш беш аз 5 ҳазор ҷавонмардони шаҳри Турсунзода низ барои муҳофизати хоки муқаддас сафарбар шуда, зиёда аз 2200 нафари онҳо дар дифои Ватан далерона ҷон супоридаанд.
Пос доштани хотираи фарзандони шуҷои Ватан, ки барои зиндагии осуда ва ояндаи нек ҷонбозиҳо намудаанд ва собиқадорони меҳнат, ки дар ақибгоҳ нимгушнаву нимбараҳна шабурўз заҳмат кашида, охирин луқмаи худро баҳри таъмини Ғалаба ба фронт фиристодаанд, вазифаи муқаддас ва қарзи шаҳрвандии ҳар як фарди ҷомеа мебошад.
Раис шаҳр қайд намуд, ки имрӯзҳо 3 нафар собиқадорон ва 5 нафар меҳнаткашони ақибгоҳи Ҷанги Бузурги Ватанӣ зиндагонӣ карда, таҳти ғамхориҳои пайвастаи муҳтарам Пешвои миллат қарор доранд.
Дар идома чорабинии фарҳангӣ ва сайри идона баргузор шуд
